Mukhang Ok

Silent Mode

2011-07-05T17:49:00.000+08:00

Alam mong papasok ka sa simbahan kaya sa may pintuan pa lang isina-silent mode mo na ang cellfone mo kasi ayaw mong makaistorbo sa mga nagdarasal at higit sa lahat - gusto mong sa Panginoon lamang naka-focus ang iyong buong atensyon. U r d best!

Parang Rally

2009-07-01T06:41:00.000+08:00

Anong kaguluhan 'yan? Bakit ang dami-daming tao sa loob ng simbahan? Ahhh, binyag pala ng baby mo. Eh sino naman itong pagkarami-raming mga taong ito? Ano!? Lahat ito ninong at ninang? Pati itong batang ito ninang? Alam mo ba na ang ninong at ninang ang siyang tatayong mga pangalawang magulang ng iyong anak kaya dapat pinipiling mabuti ang mga ito? Iyong kayang maging mabuting halimbawa sa iyong supling? Iyong kayang magbigay ng magagandang payo in case kailanganin ng anak mo? Sapat na siguro ang 2 pares. Ang Binyag ay sakramento at hindi fund raising!

Yosi? ( Nakita Mo?)

2008-04-10T19:02:00.002+08:00

Mga kabataan na ang diretsahang tinatarget ngayon ng mga tobacco companies sa buong mundo, lalo na sa America. Mula sa makukulay na packaging hanggang merchandising, maging sa flavorings ng mga yosi, ay talaga namang nang-aakit sa senses ng mga teenagers. Dito sa Pinas, kamakailan lang ay isang party ang ginanap na ang promotor ay walang iba kundi ang isang sikat na brand ng sigarilyo, na sa design pa lang ng poster ay bistadong youth crowd ang puntirya. Gosh, wala ba kayong mga anak na teenagers? Apo?

Dapat na itong tantanan bago pa magkaroon ng sigarilyo na lasang Gerber.

Marami Ka Pang Kakaining Bigas

2008-04-10T07:27:00.003+08:00

Naman-naman, Congressman Lagman, bakit ang populasyon na naman ang sinisisi mo sa problema sa bigas at harina? Ang populasyon ba ang may kasalanan kung bakit nagkaroon ng pagtatago sa bigas? Ang populasyon din ba ang dapat sisihin dahil sa hindi pinaghahandaan ng gobyerno ang mga ganitong krisis? Baka pati ang pag-asenso ng rice production ng Thailand, na nag-aral lang sa Pinas, ay sa populasyon mo pa rin gustong isisi?

Bakit di kaya irigasyon ang intindihin natin kesa condom?

Tita Of The Year

2007-08-17T02:14:00.000+08:00

Gusto mong maging mabuting auntie sa iyong pamangkin na nasa grade 3 kaya panay ang bigay mo sa kanya ng typewriting, oslo, lapis, eraser, pentel pen, etc. Pero di ba office supplies iyan sa pinagtatrabahuhan mo? Sobra naman kamo? Kahit na. Hindi mo pa rin dapat iniuuwi ang mga ito dahil bukod sa pagnanakaw ang tawag dito, masamang halimbawa pa ito para sa bata. Sige ka, baka maging tongressman ang pamangkin mo 'pag laki. Ikaw din.

Ur Everlasting Smile

2007-08-17T01:36:00.000+08:00

Naks, Manang, ganda naman ng ngiti mo. Sana lahat ng nagungulekta sa Misa ay katulad mong marunong ngumiti. Iyong iba kasi akala mo galit sa mundo. Baka akalain tuloy ng ibang tao na malungkot ang maglingkod sa Panginoon. Malakas makahawa ang ngiti, peksman.

Best In Uniforms

2007-08-17T00:05:00.000+08:00

Di ba kanina naka-green ka, Sister Ano? Bakit ngayon blue naman ang suot mo? At may hawak ka pang pulang uniporme. Ano ba talaga ang organisasyon ang kinaaaniban mo? Member po ba kayo ng lahat ng samahan dito sa simbahan? Di masama ang mag-serve pero baka wala ka ng time para sa pamilya mo! Relax lang.

Chain Email Ka Dyan!

2007-08-02T23:04:00.000+08:00

Very touching ang ipinadala mong e-mail sa akin at sa ating mga batchmates. Actually forwarded message na ito na galing pa sa kung saan-saan. May maganda pang image ni Jesus, Mama Mary, at iba pang mga santo. Halos maluha nga ako sa mensahe nang mabasa kong: 'Send this to 10 people. Something good will happen to you tonight. If you fail, something bad will happen.' (Or words to the same effect). Tigilan mo na ang pagpapadala ng ganitong mga messages ha? Bilang mga Kristiyano hindi tayo gumagawa nang mabuti dahil sa may magandang mangyayari sa atin o takot tayo sa masamang magaganap. We just DO it!

Pwe!

2007-08-02T07:40:00.000+08:00

Mahilig kang dumura kahit saan. Habang nakasakay ka sa bus, hindi mo mapigilan ang iyong masamang asal. Wala sanang nakadungaw sa kabilang bintana't baka masalo nila ang bacteria o virus na dala ng dura mo. Ano kaya kung mag-iba ang ihip ng hangin at bumalik ito sa iyo?

Ahit Pogi

2007-08-02T07:38:00.000+08:00

Sumakay ka ng jeep papuntang mall. Naupo ka sa may tabi ng driver. Napansin mo sa side mirror na nakalimutan mo palang mag-ahit. Agad-agad mong binukasan ang iyong knap sack para hagilapin ang iyong Gilette shaver. Habang humaharurot ang sasakyan eh sige ka sa pag-ahit. P're, huwag ka sanang masugatan! Kawawa ka naman kung walang Band Aid sa bag mo.

Doble Kara

2007-08-02T07:22:00.000+08:00

Wow, ayos na ayos ka sa pagdalo mo sa Misa. Buong paggalang kang nag-sign of the Cross kasabay ng pari't congregation. Nakiisa ka sa pag-awit. Homily time, may kinuha ka sa iyong bulsa. Nagrosaryo ka habang nangangaral si Father! Kapatid, "don't pray during the Mass, but pray the Mass."

Pirata

2007-07-21T01:27:00.000+08:00

Ang hilig mo kasi sa mura. Akala mo nakatipid ka sa pirated DVD, ano tuloy ang napala mo? Ano nga uli title ng nabili mong pirated DVD? Ahhh, TRANSMORFERS!

( Pamukha ni Magnum45 )

Pray Twice

2007-07-12T06:56:00.002+08:00

Kahanga-hanga ka naman. Dapat sa iyo ay iniidolo. Masigla kang nakikibahagi sa Misa, hindi ka palinga-linga kung saan-saan at higit sa lahat sumasabay ka nang malakas sa pag-awit ng bayan. Sabi nga ni San Agustin, "He who sings well prays twice." Keep up the good work!

Double Show

2007-07-12T06:32:00.001+08:00

Pinaghubad mo sa harap ng webcam ang ka-chat mong babae sa Yahoo Messenger. Naghubad naman siya dahil ang galing mong mambola. Hindi ka pa nasiyahan, vinideo mo pa siya sa iyong mobile habang "nagsu-show" at ipinakita mo pa sa iyong mga kaibigan. Wala kang kasing-sama. Tsk,tsk,tsk...wala ka bang kapatid na babae?

Spaghetti Pantaas

2007-07-05T18:08:00.000+08:00

Alam namin na maganda ang balikat mo. Maputi pati na ang iyong dibdib. Maganda ang korte ng pusod mo. Nililinis mo ba naman? Pero, it’s beside the point. Ang damit na spaghetti-style o iyong mga hanging na blouse ay sa mga bar nababagay... Kung magsisimba naman tayo, manamit naman tayo nang ayos. Higit pa sa presidente ang ating haharapin.

PDA

2007-07-05T17:50:00.000+08:00

Araw ng Linggo, nagsisimba kayo ng syota mo. Magaling ‘yan. Kaso wala naman kayong ginawa kundi magbulungan, magbungisngisan, at magkilitian hanggang sa nairita ang katabi ninyo at na-high blood.

LIMnisin Uli Ang Maynila

2007-07-05T16:35:00.000+08:00

Nagpakitang gilas agad si "Dirty Harry" ng Maynila sa pamamagitan ng pagbubukas ng Rizal Avenue sa mga motorista. Inaasahang sisigla muli ang negosyo sa dating "Ayala Avenue" at maglalaho na rin ang masasamang elemento na nagpugad doon noong nakaraang mga taon.

Di Na Ikaw Ang Ideal BF Ko?

2007-07-05T16:21:00.000+08:00

Gusto niyang sikilin ang Freedom of Assembly at Freedom of Speech upang traffic umano ay ating maiwasan. Bayani Fernando, hindi ka na ideal BF, dahil gusto mong ipagbawal ang pagra-rally mapasaya mo lang itong si Ate. Wag mo nang isangkalan, yaring aping motorista, tunay na layunin ikaw ay buko na.

Kung gustong traffic ay ayusin, batas trapiko'y tunay na pairalin!

Advance Screening

2007-07-05T15:03:00.000+08:00

Na-late ka sa Misa at sermon na ng pari ang iyong inabutan. Itinuloy mo ang pagsisimba hanggang sa next Mass. Pero pagdating uli ng sermon umalis ka na. Ano ‘yan parang sine? Next time, dumating ka naman sa oras. Alamin ang sked ng Misa sa inyong parokya. Mas maganda kung darating ka bago mag-umpisa ang Mass para makapaghanda ka pa ng iyong sarili. Mahirap iyong kumakanta ka ng “Purihin ang Panginoon, umawit ng kagalakan” habang nagpupunas ng pawis at hinihingal.